في حاجة غريبة حصلت .. إحنا مكناش كدة
أو يمكن كنا كدة بس مكنش المفروض نبقا كدة
ليه إتعودنا نسكت على حقنا ونقول "عادي"
ونقول " ما هو كله بيسكت ليه أنا أتكلم"
ليه لما لينا حقوق ما بنتمتعش بيها ؟
ولو سُلبت منا ما بندورش عليها
ليه مش بنطالب حتى بحقوقنا البسيطة
ما هي في الأخر حقوقنا
واللي يفرط في حقوقه البسيطة
هيفرط في حقه حتى إنه يعيش
من حقي إني أعيش في هدوء
ليه بسمع كلاكسات لحد الفجر؟
ليه ممكن منامش ليلة كاملة من صوت كلاكسات العربات؟
ليه ممكن معرفش أذاكر أو أركز من صوت تيليفزيون الجيران؟
أو من صوت الأغاني العالي في الشارع وفي العربيات!
ليه بسمع إتنين بيتخانقوا في الشارع وبيشتموا بعض وأنا مش عايزة أسمع شتايمهم دي؟
ليه أنا كبنت من أول ما أنزل من التاكسي لحد ما أوصل لباب الكلية مروراً بكذا شلة شباب
لازم أسمع أبشع الألفاظ والشتائم اللي بيهزروا بها مع بعض وأنا مش عايزة أسمعها؟
من حقي أحس بالأمان
ليه لو نزلت الشارع في رمضان بعباية سوداء واسعة وبالحجاب
وبدون أي ميك أب أو زينة وماشية بطريقة محترمة
لازم برضه هتعاكس رغم عن أنف الجميع؟
ليه لما أكون سايقة في شوارع القاهرة لازم يتكسر عليَ ميت مرة
وتتخدش عربيتي مليون مرة وأفرمل على أخر لحظة وأشوف حوادث ياما على شمال الطريق ويمينه
وأتعرض للموت أكثر من مرة علشان غلطت وفكرت أروح مشوار؟
من حقي أتعلم بنِفس
ليه ديسكات فصلي في المدرسة دائما مكسرة؟
وفصولنا دائماً متربة وحوائط الفصل مليانة كتابات ورسوم وفنون عباقرة فصلي؟
وتلاقي مرسوم جمبك على الحيطة صورة زر ومكتوب تحته
"إضغط على الزر يختفي الأستاذ"
ما هو من حقي إني أتعلم في مكان نظيف
ونفسي تكون مفتوحة للدراسة علشان أستفيد.
من حقي أشوف مناظر جميلة
ليه طول ما أنا ماشية في الشوارع ما بشوفش غير كتابات على الحوائط
وإعلانات المأذون الشرعي
وزبالة في الشوارع وفي كل مكان؟
وحتى لو لقيت شجر بيكون عمره الإفتراضي إنتهى من سنيين ومات وشبع موت
ليه مفيش حدائق عامة ... ليه علشان أستمتع بالطبيعة لازم أدفع فلوس؟
ليه وليه وليه
والسؤال الأكبر هو: ليه ساكتين؟؟؟؟
ليه ما بنطلبش حقوقنا ؟!
ليه ما بنعترضش ... ليه دائماً رافعين شعار "عادي"؟
ليه الكل أصبح سلبي ومش فارق معاه؟
مع إنِي واثقة إن اللي مسلوب منه حقه دة مش مبسوط
ومش عايش حياتة زي ما هو كان عايز
ليه إتحولنا لمجتمع سلبي ؟؟؟؟
ليه بنفرط في حقوقنا بالساهل
ودي أبسط حقوق
لو إتخلينا عنها يبقى قريب مش هيكون لينا حق إننا نتكلم أو حتى نتنفس
لازم الشعب دة يتعلم الإيجابية
ويبطل السلبية
يتعلم يطلب حقه بصوت عالي
يتعلم إزاي يعيش
إحنا مش أقل من غيرنا ومن حقنا نعيش
نعيش حياة جميلة زي اللي حلمنا بيها
ومش لازم نفضل مستنيين حد يطلع ويتكلم
وإحنا بس نقول أمين
لازم كل واحد يتحرك لو حاجة معجبتهوش
لازم نتعلم ونتربى على طلب حقوقنا المسلوبة
ونربي أولادنا كمان على كدة
من صغرهم يتكلموا ويقولوا
بكل صدق "عاوزين نغير"
يمكن هما اللي يقدروا
وهما اللي يغيروا
أو يمكن كنا كدة بس مكنش المفروض نبقا كدة
ليه إتعودنا نسكت على حقنا ونقول "عادي"
ونقول " ما هو كله بيسكت ليه أنا أتكلم"
ليه لما لينا حقوق ما بنتمتعش بيها ؟
ولو سُلبت منا ما بندورش عليها
ليه مش بنطالب حتى بحقوقنا البسيطة
ما هي في الأخر حقوقنا
واللي يفرط في حقوقه البسيطة
هيفرط في حقه حتى إنه يعيش
من حقي إني أعيش في هدوء
ليه بسمع كلاكسات لحد الفجر؟
ليه ممكن منامش ليلة كاملة من صوت كلاكسات العربات؟
ليه ممكن معرفش أذاكر أو أركز من صوت تيليفزيون الجيران؟
أو من صوت الأغاني العالي في الشارع وفي العربيات!
ليه بسمع إتنين بيتخانقوا في الشارع وبيشتموا بعض وأنا مش عايزة أسمع شتايمهم دي؟
ليه أنا كبنت من أول ما أنزل من التاكسي لحد ما أوصل لباب الكلية مروراً بكذا شلة شباب
لازم أسمع أبشع الألفاظ والشتائم اللي بيهزروا بها مع بعض وأنا مش عايزة أسمعها؟
من حقي أحس بالأمان
ليه لو نزلت الشارع في رمضان بعباية سوداء واسعة وبالحجاب
وبدون أي ميك أب أو زينة وماشية بطريقة محترمة
لازم برضه هتعاكس رغم عن أنف الجميع؟
ليه لما أكون سايقة في شوارع القاهرة لازم يتكسر عليَ ميت مرة
وتتخدش عربيتي مليون مرة وأفرمل على أخر لحظة وأشوف حوادث ياما على شمال الطريق ويمينه
وأتعرض للموت أكثر من مرة علشان غلطت وفكرت أروح مشوار؟
من حقي أتعلم بنِفس
ليه ديسكات فصلي في المدرسة دائما مكسرة؟
وفصولنا دائماً متربة وحوائط الفصل مليانة كتابات ورسوم وفنون عباقرة فصلي؟
وتلاقي مرسوم جمبك على الحيطة صورة زر ومكتوب تحته
"إضغط على الزر يختفي الأستاذ"
ما هو من حقي إني أتعلم في مكان نظيف
ونفسي تكون مفتوحة للدراسة علشان أستفيد.
من حقي أشوف مناظر جميلة
ليه طول ما أنا ماشية في الشوارع ما بشوفش غير كتابات على الحوائط
وإعلانات المأذون الشرعي
وزبالة في الشوارع وفي كل مكان؟
وحتى لو لقيت شجر بيكون عمره الإفتراضي إنتهى من سنيين ومات وشبع موت
ليه مفيش حدائق عامة ... ليه علشان أستمتع بالطبيعة لازم أدفع فلوس؟
ليه وليه وليه
والسؤال الأكبر هو: ليه ساكتين؟؟؟؟
ليه ما بنطلبش حقوقنا ؟!
ليه ما بنعترضش ... ليه دائماً رافعين شعار "عادي"؟
ليه الكل أصبح سلبي ومش فارق معاه؟
مع إنِي واثقة إن اللي مسلوب منه حقه دة مش مبسوط
ومش عايش حياتة زي ما هو كان عايز
ليه إتحولنا لمجتمع سلبي ؟؟؟؟
ليه بنفرط في حقوقنا بالساهل
ودي أبسط حقوق
لو إتخلينا عنها يبقى قريب مش هيكون لينا حق إننا نتكلم أو حتى نتنفس
لازم الشعب دة يتعلم الإيجابية
ويبطل السلبية
يتعلم يطلب حقه بصوت عالي
يتعلم إزاي يعيش
إحنا مش أقل من غيرنا ومن حقنا نعيش
نعيش حياة جميلة زي اللي حلمنا بيها
ومش لازم نفضل مستنيين حد يطلع ويتكلم
وإحنا بس نقول أمين
لازم كل واحد يتحرك لو حاجة معجبتهوش
لازم نتعلم ونتربى على طلب حقوقنا المسلوبة
ونربي أولادنا كمان على كدة
من صغرهم يتكلموا ويقولوا
بكل صدق "عاوزين نغير"
يمكن هما اللي يقدروا
وهما اللي يغيروا
ليست هناك تعليقات:
إرسال تعليق